"ქართულ-აფხაზური და ოსური ევროპული საერთაშორისო მოძრაობის" პრეზიდენტი ნესტან კირტაძე საფრანგეთის მისიის ხელმძღვანელის მოადგილეს ხავიერ როუარდს შეხვდა.
ნესტან კირთაძემ საფრანგეთის მისიის ხელმძღვანელის მოადგილეს მოძრაობის კონცეფციაზე და პრაქტიკულ ნაბიჯებზე ესაუბრა, რომელიც აღიარა და მხარი დაუჭირა ევროპამ, რომელსაც გაგებით შეხვდნენ მოსკოვში და რომელსაც დიდი ინტერესით ელოდებიან აფხაზური და ოსური მხარეები.
საფრანგეთის დიპლომატიური მისიის ხელმძღვანელის მოადგილემ ნესტან კირთაძეს საფრანგეთის მთავრობის პოზიცია გააცნო და კიდევ ერთხელ დაადასტურა საფრანგეთის მიერ საქართველოს ტერიტორიული მთლიანობის აღიარებისა და დაცვის მხარდაჭერა და კონკრეტულ საკითხებზე, წინადადებებზე და პროექტებზე ისაუბრა.
ნესტან კირთაძემ ფრანგულ მხარეს შესთავაზა რამდნეიმე კონკრეტული წინადადება და პროექტი და მიმართა თხოვნით, რომ უახლოეს მომავალში დაიგეგმოს ქართველი, აფხაზი და ოსი სტუდენტებისათვის საფრანგეთის უნივერსიტეტებში სწავლების განხორციელება და მათი სტიპედიით უზრუნველყოფა.
"მე უკვე მესმის ის სირთულე, რომელიც წარმოიქმნება აფხაზური და ოსური მხარისაგან პასპორტებთან და პროცედურებთან დაკავშირებით და, ვთქვათ ღიად, რომ ეს მათთვის მტკივნეული საკითხია, მაგრამ საკითხით დაინტერესებისა და მხარდაჭერის შემთხვევაში, აგრეთვე, ბრიუსელთან შეთანხმებით ეს საკითხიც შესაბამის პროცედურებს გაივლის და გადავწყვიტოთ ისე, რომ მისაღები გახდეს აფხაზური და ოსური მხარისათვის."- აღნიშნა ნესტან კირთაძემ შეხვედრის დროს და დააზუსტა, რომ "ქართულ-აფხაზური და ოსური ევროპული საერთაშორისო მოძრაობა" შეასრულებს დამაკავშირებელი ხიდის ფუნქციას აფხაზეთსა და ევროპას, ოსეთსა და ევროპას შორის, რაზედაც მან ინფორმაცია უკვე გაუგზავნა აფხაზურ და ოსურ მხარეებს, ხოლო 2013 წლის იანვრის ბოლოს კი ნესტან კირთაძე ამ და სხვა კონკრეტულ პროექტებთან დაკავშირებით ისაუბრებს ბრიუსელში, ევროპარლამენტში გამართული ოფიციალური პრეზენტაციის დროს, ცნობილი ევროპელი პოლიტიკური, დიპლომატიური, საექსპერტო წრეებისა და საერთაშორისო მედიის წინაშე.
შეხვედრაზე ყურადღება გამახვილდა აგრეთვე მოახლოვებულ ზამთარზე და კონფლიქტური რეგიონისა და საზღვრისპირა მოსახლეობისათვის, როგორც აფხაზური და ოსური, ასევე ქართული მოსახლეობისათვის ჰუმანიტარული დახამარების საჭიროებაზე და ნესტან კირთაძემ თხოვნით მიმართა ფრანგულ მხარეს ამ მიმართულებით ჰუმანიტარული პროგრამების განხორციელებაზე.
შეხვედრაზე ყურადღება გამახვილდა აგრეთვე ნესტან კირთაძის მოსალოდნელ ვიზიტზე პარიზში და "ქართულ-აფხაზუი და ოსური ევროპული საერთაშორისო მოძრაობის" პრეზენტაციაზე საფრანგეთის უმაღლეს პოლიტიკურ, დიპლომატიურ და საექსპერტო წრეებთან.
საფრნაგეთის საელჩომ საქართველოში და მისიის ხელმძღვანელის მოადგილემ უაღრესად დადებითი შეფასება მისცა "ქართულ-აფხაზური და ოსური ევროპული საერთაშორისო მოძრაობის" თანმიმდევრულ, რეალისტურ და ევროპისაგან უკვე მხარდაჭერილ პროგრამას და გამოთქვა მზადყოფნა მჭიდრო და ინსტიტუციური თანამშრომლობისათვის.
