ხვალ, 17 ნოემბერს, 18:00 საათზე, სამეფო უბნის თეატრში, გამოჩენილი ქართველი მწერლის_გოდერძი ჩოხელის გარდაცვალების 5 წლისთავთან დაკავშირებით, დუშეთის მუნიციპალიტეტის გამგეობის თაოსნობით საქვემოქმედო სპექტაკლი იქნება წარმოდგენილი.
გოდერძი ჩოხელის ნაწარმოების მიხედვით, დუშეთის სახალხო თეატრი გამართავს საქველმოქმედო სპექტაკლს "შემინახე დედაო მიწავ".
სპექტაკლს ქართული კინოსა და თეატრის მსახიობები, გოდერძი ჩოხელის მეგობრებთან ერთად დაესწრებიან და კიდევ ერთხელ მიაგებენ პატივს მის ხსოვნას.
საქველმოქმედო სპექტაკლიდან შემოსული თანხა კი მოხმარდება სოფელ ჩოხში, გოდერძი ჩოხელის სახლ-მუზეუმის მშენებლობას.
