აჭარაში ფეიხოიას ჯემების წარმოება დაიწყო. კომპანია „ევრო კაპიტალ ინვესტის" საწარმომ, რომელიც ბათუმში, მ. ლერმონტოვის ქუჩა N110 მდებარეობს, ადგილობრივ ბაზარზე 15 ტონა ფეიხოია უკვე შეიძინა და ფეიხოიას ჯემების წარმოება დაიწყო. საწარმოს დღიური წარმადობა შეადგენს 5000 ქილას, ხოლო თითო ჯემით სავსე ქილა იწონის 280 გრამს.
საწარმოში დასაქმებულია 35 ადგილობრივი მუშახელი. პროდუქციის ექსპორტი უკრაინაში განხორციელდება. უახლოეს მომავალში კომპანია „ევრო კაპიტალ ინვესტი" იწყებს კივისა და ფორთოხლის ჯემების გამოშვებას. აღსანიშნავია, რომ კომპანიის გამართულ ფუნქციონირებას აფერხებს საწარმოსთან მისასვლელი გზის უვარგისობა და ასევე სხვა ინფრასტრუქტურული პრობლემები.
