საქართველოს პირველი ლედი სანდრა ელისაბედ რულოვსი ჟენევაში იმყოფება, სადაც ის შიდსთან, ტუბერკულოზთან და მალარიასთან ბრძოლის გლობალური ფონდის საბჭოს 28-ე სხდომას დაესწრება, რომელზედაც ახალ აღმასრულებელ დირექტორს აირჩევენ. შვეიცარიიდან სანდრა რულოვსი ჰოლანდიაში გაემგზვრება, სადაც ის უტრეხტსა და ეინდჰოვენში მსხვილ სარეაბილიტაციო ცენტრებს მოინახულებს. ის ასევე ამსტერდამის სამეფო კონცერტგებაუ ორკესტრისა და კონსერვატორიის დირექტორებს შეხვდება. სანდრა რულოვსი საქართველოში 19 ნოემბერს დაბრუნდება.
