თბილისში, მეტეხის ხიდზე, 100 ათასი ქართველი მოწამის ხსენების დღესთან დაკავშირებით პარაკლისი დასრულდა. პარაკლისი სრულიად საქართველოს კათალიკოს-პატრიარქმა, მცხეთა-თბილისის მტავარეპისკოპოსმა, ცხუმ-აფხაზეთის მიტროპოლიტმა, უწმინდესმა და უნეტარესმა ილია მეორემ მღვდელმთავრებთან და სასულიერო პირებთან ერთად გადაიხადა.
მეტეხის ხიდზე და მის მიმდებარე ტერიტორიაზე რამდენიმე ათასი მომლოცველი იყო შეკრებილი. პარაკლისის დაწყებამდე ევროპის მოედანზე გაიმართა კონცერტი,
"100 ათასი ქართველის სისხლი შეჰღაღადებს უფალს და შეავედრებს საქართველოს. საქართველო ჩვენს გულშია, ბედნიერი ვართ, რომ დავიბადეთ ამ ქვეყანაში. ნურაფრის შეგეშინდებათ. ზეციური მხედრიონი იცავს საქართველოს", - ბრძანა უწმინდესმა პარაკლისის დაწყებამდე. მან მრევლს დღევანდელი დღე მიულოცა და 100 ათასი მოწამის ლოცვებით შესთხოვა უფალს, გააერთიანოს საქართველო.
