"წინა ხელისუფლებამ ისარგებლა იმ მომენტით, რომ ნატოს დელეგაცია დამტკიცებული არ იყო და ბატონი გიორგი კანდელაკი დელეგაციის ხელმძღვანელად იყო შემორჩენილი წინა პარლამენტის გადაწყვეტილების შესაბამისად. ამ შემთხვევაში, ჩვენ სტუმრის სტატუსით ვიმყოფებოდით ბრიუსელში. რაც ყველაზე ცუდია, ისინი ჩვენ კი არ გვებრძვიან, არამედ ებრძვიან სახელმწიფოს და აბსოლუტურად ცრუ ინფორმაციაზე დაყრდნობით შეეცადნენ თავიანთი ლობისტი თუ დაახლოებული ჯგუფების მეშვეობით რეზოლუციაში შეეტანათ შესწორებები მზაკვრულად. მიუხედავად ჩვენი შეთანხმებისა, რომ ნებისმიერი საკითხი ერთმანეთისთვის ოპოზიციასა და უმრავლესობასაც შეგვეთანხმებინა, ასე არ მოხდა და მოხვდა რეზოლუციაში ასეთი ტიპის ჩანაწერი, რომელიც სახელმწიფოს აზიანებს და არა რომელიმე პოლიტიკურ ძალას", _ განაცხადა სესიაშვილმა.

შეგახსენებთ, რომ პრაღაში ნატო-ს საპარლამენტო ასამბლეის დასასრულს აღმოსავლეთ სამეზობლოში დემოკრატიის მომავლის შესახებ რეზოლუცია მიიღეს. რეზოლუციაში რამდენიმე პუნქტი საქართველოს ეთმობა, კერძოდ: ნატოს საპარლამენტო ასამბლეა შეშფოთებას გამოხატავს ადგილობრივი თვითმმართველობის ინსტიტუტებსა და საქართველოს საზოგადოებრივ მაუწყებელზე ზეწოლის შესახებ გავრცელებული ცნობების გამო და მოუწოდებს ახალ მთავრობას, პოლიტიკურად მოტივირებული დაჭერებისგან თავი შეიკავოს",- ნათქვამია რეზოლუციის ტექსტში.

12-პუნქტიან რეზოლუციაში ნატო-ს საპარალემტო ასამბლეა დადებითად აფასებს საქართველოში ჩატარებულ საპარლამენტო არჩევნებს და აცხადებს, რომ პროცესი დემორკატიულად ჩატარდა. გარდა ამისა, რეზოლუციაში ნათქვამია, რომ "ნატოს საოარლამენტო ასამბლეა მოუწოდებს ჩრდილოატლანტიკური ალიანსის წევრი სახელმწიფოების მთავრობებს, პარლამენტებსა და ნატო-ს, მიიწვიოს საქართველო ბუქარესტის და ჩიკაგოს სამიტების გადაწყვეტილებების შესაბამისად და მისი დემოკრატიული პროგრესის აღსანიშნავად და გადადგას ნაბიჯი წინ საქართველოს ევროატლანტიკური ინტეგრაციისკენ. განიხილოს მისთვის გაწევრიანების სამოქმედო გეგმის მინიჭება, რათა უზრუნველყოს მისი პოლიტიკური და ინსტიტუციური რეფორმების უფრო მრავლისმომცველი და სიღრმისეული განხორცილება".