17 ნოემბერს, 19:00 საათზე, ვანო სარაჯიშვილის სახელობის კონსერვატორიის დიდ დარბაზში კონსერვატორიის საოპერო სტუდია კონცერტს გამართავს.
კონცერტი თენგიზ მუშკუდიანის 85 წლის იუბილეს ეძღვნება.
ღონისძიებაში მონაწილეობენ: ბ. კავთელიშვილი, ნ. ლაკვეხელიანი, მ. ტურაშვილი, ზ.ხუხუა, მ. გობეჩავა, ა. იოსელიანი, ი.გორგოშიძე და სხვები. თბილისის ოპერისა და ბალეტის სახელმწიფო თეატრის სიმფონიური ორკესტრი. დირიჟორი - რევაზ ტაკიძე.
თენგიზ მუშკუდიანი დაიბადა 1927 წელს, 1957 წელს მიენიჭა საქართველოს დამსახურებული არტისტის, ხოლო 1965 წელს სახალხო არტისტის წოდება. გადაღებულია ფილმებში - "დიდოსტატის მარჯვენა" (ჭიაბერი) და "აბეზარა" (გიორგი).
