დღეს, 8 ნოემბერს, თბილისი მარიოტის თამარ მეფის დარბაზში "ვისოლ ჯგუფსა" და მულტინაციონალურ კომპანია "ვიანორს" შორის ურთიერთთანამშრომლობის მემორანდუმი გაფორმდება. მემორანდუმის გაფორმების ცერემონიალს ფინეთის საპატიო კონსული დაესწრება.
"ვისოლ ჯგუფი" კიდევ ერთი მულტინაციონალური კომპანია - "ვიანორის" ოფიციალური წარმომადგენელი ხდება საქართველოში და შვილობილი კომპანია "ავტოექსპრესის" ავტომომსახურების ცენტრებს ამიერიდან "ვიანორის" ბრენდის ქვეშ განავითარებს.
"ვიანორი" საქართველოში "ავტოექსპრესის" ექსკლუზიური პროდუქტების გარდა, "ნოკიანის" და "ნორდმანის" ფირმის პრემიუმ კლასის საბურავებს შესთავაზებს მომხმარებელს და ავტომომსახურების ახალ სტანდარტებს დანერგავს.
"ვიანორი" Nokian Tyres ჯგუფის წევრია და 24 ქვეყანაში 900 -ზე მეტ ავტომომსახურების ცენტრს ფლობს.
