საგარეო საქმეთა მინისტრი მაია ფანჯიკიძე დღეს საქართველოში ევროკავშირის სადამკვირვებლო მისიის ხელმძღვანელს, ანდჟეი ტიშკევიჩს შეხვდა
გაცნობითი ხასიათის შეხვედრაზე მხარეებმა განიხილეს საქართველოსა და სადამკვირვებლო მისიას შორის თანამშრომლობის აქტუალური საკითხები. ქართულმა მხარემ ხაზი გაუსვა მისიის საქართველოს ტერიტორიაზე საქმიანობის მნიშვნელობას და გამოთქვა მასთან ურთიერთობების გაღრმავების მზადყოფნა. შეხვედრაზე ასევე აღინიშნა ევროკავშირის სადამკვირვებლო მისიის როლი ჟენევის მოლაპარაკებების ფორმატში.
ევროკავშირის სადამკვირვებლო მისიის ხელმძღვანელმა მადლიერებით აღნიშნა სამინისტროსთან არსებული მჭიდრო თანამშრომლობა და წარმატებები უსურვა მინისტრს მომავალ საქმიანობაში.
მასალის გამოყენების პირობები