საგარეო საქმეთა მინისტრმა მაია ფანჯიკიძემ საქართველოში საბერძნეთის რესპუბლიკის საგანგებო და სრულუფლებიან ელჩთან ელეფტერიოს პროიოსისთან გაცნობითი შეხვედრა გამართა.
შეხვედრაზე, მხარეებმა განიხილეს საქართველო-საბერძნეთის ორმხრივი და მრავალმხრივი ურთიერთობების აქტუალური საკითხები და თანამშრომლობის პერსპექტივები. საბერძნეთის რესპუბლიკის ელჩმა, კიდევ ერთხელ, დაადასტურა საბერძნეთის უცვლელი მხარდაჭერა საქართველოს სუვერენიტეტისა და ტერიტორიული მთლიანობისადმი და საქართველოს ევროპულ და ევროატლანტიკურ სტრუქტურებში ინტეგრაციისადმი.
საბერძნეთის რესპუბლიკის ელჩმა წარმატებები უსურვა მინისტრს მომავალ საქმიანობაში.
მასალის გამოყენების პირობები