ახალი მთავრობა კახეთში სტიქიით მიყენებულ ზარალს ხელახლა შეისწავლის, _აღნიშნულის შესახებ ჟურნალისტებთან რეგიონული განვითარებისა და ინფრასტრუქტურის მინისტრმა დავით ნარმანიამ განაცხადა და აღნიშნა, რომ მოინიტორინგის ჯგუფმა კახეთეში მიმდინარე ინფრასტრუქტურული პროექტების მიმდინარეობა დაათვალიერა. როგორც ნარმანიამ ჟურნალისტებთან განაცხადა სამინისტროს წარმომადგენლები თელავის, ყვარლის, ლაგოდეხის, გურჯაანის, სიღნაღისა და საგარეჯოს მუნიციპალიტეტებში ორჯერ იმყოფებოდნენ.
"ჩვენ კახეთის რეგიონით დავიწყეთ, რადგან იქ მსხვილი სარეაბილიტაციო სამუშაოები ხორციელდებოდა და ამავე დროს, იქ არ არის ბოლომდე დასრულებული სტიქიით მიყენებული ზარალის შემდგომი სამუშაოები ბოლომდე არ არის აღწერილი ზარალი, ბოლომდე არ არის აღმოფხვრილი სტიქიით მიყენებული ზარალი. ამიტომაც მივიღეთ გადაწყვეტილება, რომ ხელახლა შევისწავლოთ იქ არსებული პრობლემები და მდგომარეობა ", - განაცხადა ნარმანიამ.
