ნავთობპროდუქტების იმპორტიორთა კავშირის განცხადებით: მიმდინარე წლის დასაწყისიდან 2 ნოემბრის მდგომარეობით ნავთობის ფასი მსოფლიოს სასაქონლო ბირჟებზე შემცირებულია: ლონდონში - 6,45 დოლარით 112,13 $-დან 105,68 $-მდე, ხოლო ნიუ-იორკში - 18,10 დოლარით 102,96 $-დან 84,86 $-მდე.
რაც შეეხება საერთაშორისო ფასებს ნავთობპროდუქტებზე platt's-ის მიხედვით, ის ნავთობის ფასის პროპორციულად არ არის შემცირებული.
კერძოდ, 2012 წლის დასაწყისიდან 1 ნოემბრის მდგომარეობით A-91 ტიპის ბენზინის საერთაშორისო ფასი platt's-ის მიხედვით შემცირებულია 31 დოლარით 948, 50 $-დან 917,50 $-მდე; L-62 დიზელის ფასი - 13 დოლარით , 938,25 $-დან 925,25 $-მდე, ხოლო 10PPM დიზელის ფასი - 12,25 დოლარით 956 $-დან 943,75 $-მდე.
მიმდინარე წელს საქართველოს საცალო ქსელში საერთაშორისო ფასების დინამიკიდან გამომდინარე საწვავის ფასის კორექტირება განხორციელდა 19-ჯერ. კერძოდ, საწვავის ფასი გაიზარდა 8-ჯერ, ხოლო შემცირდა 11-ჯერ.
დღევანდელი ფასები საწვავის ტიპების მიხედვით მიმდინარე წლის დასაწყისთან შედარებით შემცირებულია შემდეგი ოდენობით: სუპერის ტიპის ბენზინი - 2-3 თეთრით/ლიტრაზე, პრემიუმის ტიპის ბენზინი - 3-6 თეთრით/ლიტრაზე, ევრო რეგულარის ტიპის ბენზინი - 1-3 თეთრით/ლიტრაზე, რეგულარის ტიპის ბენზინი - 2-5 თეთრით/ლიტრაზე, ევრო დიზელის ფასი - 6-9 თეთრით/ლიტრაზე, L-62 დიზელის ფასი - 5-8 თეთრით/ლიტრაზე.
