საქართველოში ახალი პროექტის განხორციელება იწყება, რომელის მიზანია დაეხმაროს კომპანიებს, რომლებსაც აქვთ ინოვაციური საპროექტო წინადადებები, მაგრამ არ გააჩნიათ ნოუ-ჰაუ ან ფინანსური სახსრები მათ განსახორციელებლად. კომპანიები, რომლებიც ეძებენ, მაგალითად თავიანთი პრობლემების ახალი ტექნოლოგიების საშუალებით გადაწვეტის გზებს, აქვთ სურვილი განახორციელონ კვლევისა და განვითარების (R&D) ერთობლივი პროექტები ადგილობრივ ან საერთაშორისო უნივერსიტეტებთან, ან გეგმავენ მომავალში განავითარონ და მომხმარებელს შესთავაზონ ახალი ან გაუმჯობესებული პროდუქცია ან მომსახურება, შეუძლიათ მიიღონ მონაწილეობა აღნიშნულ კონკურსში. მაღალი რანგის ჟიურის მიერ წინასწარ განსაზღვრული კრიტერიუმებით შეირჩევა 5-მდე კომპანია, რომლელსაც კონკურსის ფარგლებში ცენტრი გაუწევს ტექნიკურ დახმარებას და ასევე უზრუნველყოფს პროექტის თანადაფინანსებით - ერთ კომპანიაზე მაქსიმუმ 20 000 ლარის ოდენობით. მოკლე სიაში (short list) მოხვედრილი კომპანიები ნოემბრის ბოლო კვირაში პრეზენტაციებს გააკეთებენ ჟიურის წინაშე. საბუთების წარდგენის ბოლო ვადაა 2012 წლის 11 ნოემბერი, კონკურსის გამარჯვევულები გამოვლინდებიან 2012 წლის 30 ნოემბრისთვის.
კონკურსში მონაწილეობა შეუძლიათ საქართველოში დარეგისტრირებულ მიკრო, მცირე და საშუალო კომპანიებს/საწარმოებს, რომლებიც მოღვაწეობენ შემდეგ სექტორში: სასოფლო სამეურნეო-საკვები პროდუქცია, გადამუშავება, შეფუთვა, ლოგისტიკა, ტრანსპორტი, მშენებლობა, ტურიზმი. ასევე იქნება განხილული სხვა სექტორში მოღვაწე მიკრო, მცირე და საშუალო კომპანიების/საწარმოების საინტერესო პროექტები.
აღსანიშნავია, რომ საქართველოს ტექნოლოგიების გადაცემის ცენტრის (TTCG) პირველი პროექტი, კონკურსი - INNO|GEORGIAგერმანიის საერთაშორისო თანამშრომლობის საზოგადოება (GIZ) GmbH მხარდაჭერით ტარდება.
