ნიუ-იორკში NYSE Euronext და NASDAQ-ის ბირჟები ქარიშხალ სინდის გამო ორშაბათს არ იმუშავებს. ბი-ბი-სის ინფორმაციით, ბირჯებზე ვაჭრობა, სავარაუდოდ, არც სამშაბათს გაიმართება. გავრცელებული ინფორმაციით შეწყდება მხოლოდ ვაჭრობა ბირჟის შენობებში, სადაც აუცილებელია ტრეიდერების ყოფნა, რაც შეეხება ელექტრონულ ვაჭრობას ის გაგრძელდება ჩვეულ რეჟიმში.
ქარიშხალი ნიუ-იორკს, სავარაუდოდ სწორედ ორშაბათს მიაღწევს. ქარიშხალ "სინდის" გამო ნიუ-იორკში მოძრაობა შეწყვიტა მუნიციპალურმა ტრანსპორტმა. ამის შესახებ ნიუ-იორკის გუბერნატორმა ენდრიუ კუომომ განაცხადა.
შეიზღუდა საქალაქო ავტობუსების, მეტროს და მატარებლების მოძრაობა.
"თუ ქარიშხალი შებრუნდება და უკუიქცევა ეს იქნება ძალიან კარგი. თუ არა იმ შემთხვევისთვის ჩვენ ვიქნებით მზად", - განაცხადა გუბერნატორმა.
აშშ-ის ქარიშხლების შეტყობინების ნაციონალური ცენტრის მონაცემებით, ქარიშხალი "სინდის" სიმძლავრე საფირი-სიმპსონის შკალით პირველ კატეგორიად არის შეფასებული.
ქარიშხლის სიჩქარე 17კმ/საათია. თანმხლები ქარის სიჩქარე კი 120კმ/სთ.
ქარიშხალმა კუბაში, იამაიკაში, პუერტო-რიკოსა და ბაჰამის კუნძულებზე უკვე იმსხვერპლა 65 ადამიანი.
