"ნაციონალური მოძრაობის" ერთ-ერთი ლიდერი გიორგი ბარამიძე მზად არის ზურაბ ჟვანიასა და აფრასიძეების საქმეზე გამოძიებასთან ითანამშრომლოს. ამის შესახებ ბარამიძემ ტელეკომპანია "მაესტროს" ეთერში გადაცემა "პოლიტმეტრში" განაცხადა.
მისი თქმით, ახლა მათთან დაპირისპირებული ხელისუფლებაა და ერთხელ და სამუდამოდ "ცილისმწამელბული კამპანია" დასრულდება.
"ამ მთავრობას აქვს საშუალება გამოიძიოს ნებისმიერი საქმე. ასევე გამოიძიოს ჩემთვის უძვირფასეს ადამიანს, ჩემს მასწავლებელსა და მეგობართან დაკავშირებით ზურან ჟვანიასთან დაკავშირებით ატეხილ ისტერიასთან მიმართებაში. რა საკითხიც არ უნდა იყოს, მე არ გამოვიყენებ ჩემ სადეპუტატო იმუნიტეტს თუ იქნება სამართალდამცავი ორგანოების მიერ სამართლიანი და ობიექტური გამოძიება და არა ეს რაღაცა ფილმები და ეს უაპელაციო განცხადებები. მივალ ნებისმიერი სტატუსით, დამკითხონ, ვითანამშრომლებ გამოძიებასთან ყველა იმ ინფორმაციას მივაწვდი, რასაც მე ვფლობ და ერთხელ და სამუდამოდ დამთავრდება და მადლობა ღმერთს დამთავრდება ეს აბსოლუტური ცილისმწამებულური კამპანია, რომელიც იყო ჩემს წინააღმდეგ და ვეღარავინ ვეღარ იტყვის, რომ ის ხელისუფლება, რომელშიც გიორგი ბარამიძეა ხელს აფარებს ვიღაცას, რაღაცას მალავს, რაღაცას არ ამბობს. მადლობა ღმერთს, მოვიდა ჩვენთან მკვეთრად დაპირისპირებული ხელისუფლება, რომელიც არაფეს დამალავს, რომელიც ჩვენ ხელს არ დაგვაფარებს", - განაცხადა ბარამიძე.