ახალი მთავრობა საოჯახო და მცირე ბიზნესის განვითარების ფონდის შექმნას აპირებს. როგორც "ქართული ოცნების" სამთავრობო პროგრამაშია აღნიშნული, განხორციელდება დანახარჯების შემცირების უზრუნველმყოფი რეფორმები, ანუ მოხდება ნედლეულსა და რესურსებზე მონოპოლიური ფასების კლება
"გატარდება სახელმწიფო პოლიტიკის ბიზნესგარემოში არსებული რისკების შემცირებისა და ჯანსაღი კონკურენტული გარემოს შექმნის ღონისძიებები; კარტელური შეთანხმებების შეზღუდვით შეიქმნება კონკურენტული გარემო, გამარტივდება საგადასახადო პროცედურები.
შეიქმნება და ხელი შეეწყობა ბიზნესინკუბატორებისა და სხვა მცირე ბიზნესის ხელშემწყობ ინსტიტუტებს; მცირე და საშუალო ბიზნესის წარმომადგენლებს გაეწევათ საინფორმაციო-საკონსულტაციო მომსახურება მთელი ქვეყნის მასშტაბით; გააქტიურდება
საერთაშორისო საფინანსო ორგანიზაციებთან მუშაობა, რათა გადაიხედოს გამოყოფილი მიზნობრივი საკრედიტო ხაზების გამოყენების პირობები და საკრედიტო ხაზები რეალურად გახდეს მცირე და საშუალო ბიზნესის განვითარების სტიმულირების მექანიზმი, რასაც განასკუთრებული მნიშვნელობა ენიჭება სოფლის მეურნეობის განვითარებისათვის"- ნათქვამია სამთავრობო პროგრამაში.
როგორც მმართველ გუნდში განმარტავენ, მცირე და საშუალო ბიზნესის განვითარების ხელშეწყობის პოლიტიკა არის ქვეყნის ეკონომიკური პოლიტიკის ერთ-ერთ პრიორეტული მიმართულება. საქართველოს მთავრობა წაახალისებს მცირე და საშუალო ბიზნესს, რომელიც უზრუნველყოფს კერძო სექტორში ინვესტიციებისა და ინოვაციების ზრდას.
