დღეს, 24 ოქტომბერს, 13:00 საათზე, "თეგეტა მოტორსის" სათავო ოფისში გაიმართება "შელის" მე-1 000 000 ლიტრის მყიდველის დაჯილდოებისამი მიძღვნილი ღონისძიება. ამ ფაქტის აღსანიშნავად, "შელის" გლობალურმა ოფისმა საავტომობილო და ინდუსტრიულ ზეთებზე 20%-იანი ფასდაკლება წამოიწყო.
იღბლიანი მომხმარებელი, რომელმაც Shell-ის საავტომობილო ზეთის მე-1 000 000 ლიტრი შეიძინა, რამდენიმე დღის წინ გამოვლინდა. აღნიშნული მომხმარებლის გამოსავლენად მზადყოფნაში იყო "თეგეტა მოტორსის" ყველა ფილიალი, მერაბ ჩერქეზიშვილს კი სასიამოვნო მოულოდნელობა ცენტრალურ ფილიალში დახვდა, სადაც მან Shell-ის საავტომობილო ზეთის 4-ლიტრიანი შეფუთვა შეიძინა.
ჩერქეზიშვილს "თეგეტა მოტორსი" 1000-ლარიან ვაუჩერს და სხვა საჩუქრებს უკვე შელის მაკროდისტრიბუტორთან ერთად სპეციალურად მოწყობილ დაჯილდოების ცერემონიალზე გადასცემს. ღონისძიებაზე გახდება ცნობილი ასევე მთავარი პრიზის შესახებ, რაც იღბლიანი მომხმარებლისთვის სიურპრიზი იქნება.
დღეისთვის "თეგეტა მოტორსი" "შელის" ბრენდის ექსკლუზიური დისტრიბუტორია საქართველოში. "შელის" საავტომობილო ზეთი გამოირჩევა მაღალი ხარისხით, რაც განაპიროებებს პროდუქციაზე მაღალ მოთხოვნას - უკვე გაიყიდა 1 000 000 ლიტრი. "შელის" საცხებ-საპოხი მასალის პორტფელი მოიცავს ისეთ პროდუქტებს, როგორებიცაა Shell Helix, Shell Rimula, Shell Tellus, და სხვ. "შელი" ოფიციალურად რეკომენდებულია "ჰიუნდაის", "მერსედესის", "მაზდას", "ჰონდას", "კიას", "ფიატის", "მიცუბიშის", "რენოს" და სხვა ლიდერი მწარმოებლების მიერ. "შელი" ასევე Ferrari-ს უცვლელი პარტნიორია.
