სოფლის მეურნეობის მინისტრობის კანდიდატი, დავით კირვალიძე მიიჩნევს, რომ მიწის ნაკვეთების რეგისტრაცია დროულად უნდა დასრულდეს. როგორც დავით კირვალიძემ გადაცემა „პოლიტმეტრში" სტუმრობისას განმარტა, იმ ფონზე, როდესაც მიწა რეგისტრირებული და საბოლოოდ დარეგისტრირებული არ არის, ინვესტორი ის ინვესტირებას არ დააპირებს.
„ანუ ე.წ. საკუთრების უფლების დამადასტურებელი დოკუმენტის გაცემა ყველა იმ ადამიანზე, ვინც ამ მიწას ფლობს, რათა ისინი რეალური მესაკუთრეები გახდნენ. ამასწინად მომიწია ერთ-ერთი კვლევის ნახვამ, სადაც წერია, რომ დაახლოებით 80 % გლეხსა და ფერმერს არ აქვს მიწის ნაკვეთები საბოლოოდ დარეგისტრირებული. რაც ნიშნავს იმას, რომ თუ დააპირებთ რაიმე პროექტის განხორციელებას, რომ დააპიროთ წყლის მომხმარებელთა ასოციაციის შექმნა, ან რაღაც ამდაგვარი, უბრალოდ ეს ადამიანები ჯერჯერობით სწორად აღრიცხულნი არ არიან. გარდა ამისა არც ერთი ჭკუათმყოფელი ინვესტორი იქ თანხას, არ ჩადებს, სადაც მიწაზე საკუთრება საბოლოოდ გარკვეული არ არის"- აცხადებს კირვალიძე. მინისტრობის კანდიდატი აცხადებს, რომ საკუთრების უფლების დარეგისტრირების პროცესი უნდა დასრულდეს, რაც შესაბამის უწყებებთან მჭიდრო კოორდინებით შესაძლებელია.