ბანკმა "რესპუბლიკამ" თბილისში, აღმაშენებლის გამზირ #83-ში ახალი, რიგით 38-ე სერვისცენტრი გახსნა და საკუთარ მომხმარებელს უამრავ ახალი პროდუქტსა თუ მომსახურეობას დაპირდა. ახალი სერვისცენტრის გახსნისას, ბანკის გენერალურმა დირექტორმა კრისტიან კარმანიოლმა და ბანკის კომერციულმა დირექტორმა რამაზ კუკულაძემ საკუთარ მომხმარებლებს ბანკის შემდგომი განვითარების სტრატეგია გააცნეს. ბანკი "რესპუბლიკა", როგორც უნივერსალური ტიპის ფინანსური დაწესებულება, თანაბარ ძალისხმევას უთმობს როგორც საცალო, ისე მიკრო და მცირე ბიზნესის სრული სპექტრის საბანკო მომსახურებით უზრუნველყოფას. აღმაშენებლის მოედნის მიმდებარე ტერიტორიაზე მოქმედ მიკრო და მცირე ბიზნესის წარმომადგენლებს ბანკ "რესპუბლიკის" მაღალი ხარისხის მომსახურებით სარგებლობა ამიერიდან სხვა უბანში გადაადგილების გარეშე შეეძლებათ.
ახალი სერვისცენტრი კლიენტებს კვირაში 6 დღე მოემსახურება და სრულ საბანკო მომსახურებას გაუწევს.
"ჩვენ ვცდილობთ, რომ მოვერგოთ ბაზარს და ბაზარზე მიმდინარე ტენდენციებს. ჩვენი მიზანია, რომ რაც შეიძლება უფრო მეტად დავაკმაყოფილოთ ჩვენი კლიენტების მოთხოვნები. ვიყოთ ინოვაციურები, რადგანაც დღეს ბიზნესი დიდი ტემპებით მიდის წინ და ვცდილობთ, რომ ამ ფონზე კლიენტებს მუდმივად შევთავაზოთ სიახლეები. ჩვენი სტრატეგიაა, რომ ვიყოთ ინოვაციური ბანკი"- აღნიშნა ბანკის გენერალურმა დირექტორმა კრისტიან კარმანიოლმა
"ჩვენს კლიენტებს, განსაკუთრებით მიკრო და მცირე ბიზნესის წარმომადგენლებს, წარმოვუდგენთ ახალ სერვისცენტრს, სადაც ისინი საკუთარი ბიზნესინტერესების გათვალისწინებით შექმნილი ინოვაციური საბანკო პროდუქტებით ისარგებლებენ და სწრაფ და კომფორტულ მომსახურებას მიიღებენ. სერვისცენტრისთვის ეს ადგილი სწორედ მათთვის მაქსიმალური კომფორტის შესაქმნელად შევარჩიეთ", - აცხადებს ბანკ "რესპუბლიკის" კომერციული დირექტორი რამაზ კუკულაძე.
"დღეს მარჯანიშვილის 83-ში ახალი ფილიალი გავხსენით. ეს არის საპილოტე მოდელი, რომელიც გამოირჩევა იმით, რომ სთავაზობს ჩვენს მომხმარებლებს უნივერსალურ მომსახურეობას, რაც გულისხმობს როგორც ფიზიკური ასევე იურიდიული პირების მომსახურეობას. ერთ-ერთი რაც ამ ფილიალს გამოარჩევს სხვა ფილიალებისგან არის ის, რომ დამატებულია მოლარე ოპერატორების მომსახურეობა, რაც ნიშნავს იმას, რომ საოპერაციო მომსახურეობასთან ერთად ჩვენი მოლარე ოპერატორები გარკვეული თანხის ფარგლებში მომხმარებელს მომსახურეობასაც გაუწევენ. ანალოგიური მომსახურეობა ამ ეტაიზე მხოლოდ 3 ფილიალში ინერგება და შემდგომ ნელ-ნელა სხვა ფილიალებზეც გავრცელდება- განმარტა სერვისცენტრის მენეჯერმა ანა ტროხაშვილმა.