,,შევეცდებით, კონსტრუქციული ოპოზიცია ვიყოთ", _ განაცხადა ჟურნალისტებთან ,,ნაციონალური მოძრაობის" ერთ-ერთმა ლიდერმა გიორგი ბარამიძემ.
მისივე განცხადებით, უმრავლესობასა ად ოპოზიციას თავისი წილი პასუხისმგებლობა აქვს.
,,ქართველმა ხალხმა გამოხატა თავისი ნება და ისე, როგორც ქართველმა ხალხმა გადაწყვიტა იმ კონფიგურაციის ფონზე, შესაბამისად უნდა ვიმოქმედოთ როგორც ხელისუფლებამ, ასევე ოპოზიციამ. Aამ შემთხვევაში ყველას თავისი წილი პასუხისმგებლობა და საქმე აქვს საკეთებელი. ხელისუფლებაში როცა ვიყავით ვნატრობდით, რომ ოპოზიცია კონსტრუქციული ყოფილიყო და შევეცდებით ასეთი ოპოზიცია ვიყოთ, რადგან მიგვაჩნია, რომ ქვეყნის წარმატება თუ გვიდა მთავრობა წარმატებული უნდა იყოს და მთავრობამ ქვეყნის წინსვლის უზრუნველყოფა უნდა შეძლოს და ამისთვის ყველა კეთილს წამოწყებაში მას მხარდაჭერა სჭირდება. ხელშეწყობა ნიშნავს იმას, რომ როდესაც რაღაც არასწორად კეთდება დაანახო ოპონენტს, მთავრობას და უბრალოდ, კრიჭაში კი არ ჩაუდგე, არამედ კონსტრუქციულად ალტერნატიული წინადადება მიაწოდო ", -განაცხადა ბარამიძემ.
შეგახსენებთ, რომ პარლამენტის პირველი სხდომა ქუთაისში უკვე გაიხსნა.
