დუბაის პირველი ინოვაციური, დაბალბიუჯეტიანი ავიაკომპანია აშშ-ს ექსპორტ-იმპორტ ბანკთან დადებული 117,5 მლნ აშშ დოლარის ღირებულების სასესხო ხელშეკრულების საფუძველზე პირველ Boeing 737-800NG თვითმფრინავს დღეს მიიღებს. ამ თვითმფრინავის ჩამოსვლით flydubai-ს ავიაგამაზიდავების რაოდენობა 26 მოქმედი თვითმფრინავი გახდება. ამ შეთანხმებით გათვალისწინებული მომდევნო ორი თვითმფრინავი დუბაიში ამა წლის ნოემბრისა და დეკემბრის თვეებში ჩამოფრინდება, რის შედეგადაც ავიაკომპანიას 28 თვითმფრინავი ეყოლება.
ბოლო 3 წლის მანძილზე გაფორმებული საკმაოდ ხელსაყრელი და წარმატებული საფინანსო-სალიზინგო შეთანხმებების ხარჯზე flydubai -მ გაზარდა და გააძლიერა თავისი ავიაფლოტი.
ეს შეთანხმება იმის ნიშანია, რომ flydubai უკვე შედგა, როგორც სერიოზული ავიაკომპანია და მისთვის სხვა ფინანსური წყაროებიც ხელმისაწვდომი გახდა. ალტერნატიული დაფინანსების წყაროების ხელმისაწვდომობა ავიაკომპანიის სტაბილურმა ფინანსურმა მდგომარეობამ გახადა შესაძლებელი. სწორედ ამ ფაქტორების შედეგია ის, რომ flydubai-მ Ex-Im ბანკის დაფინანსება მიიღო.
უკანასკნელი წლის განმავლობაში ავიაკომპანიის ქსელი მნიშვნელოვნად გაიზარდა. flydubai -ს 6 ახალი მიმართულება (ბუქარესტი, სანა, ბასრა, ნაჯაფი, ბიშკეკი და ტაიფი) დაემატა. უახლოეს მომავალში flydubai კიდევ ორი მიმართულებით იწყებს ფრენას: 18 ოქტომბერს - სკოპიე, მაკედონია და 7 ნოემბერს - ტაბუკი, საუდის არაბეთი შეემატება ქსელს.

2011 წლის აგვისტოდან დაწყებული, ერთი წლის მანძილზე 41 %-ით გაიზარდა ავიაკომპანიის ფრენების რაოდენობა. ავიაკომპანიამ ამ ერთი წლის მანძილზე დაიმკვიდრა და გაიმყარა სანდოობის კოეფიციენტი და გახდა უფრო მოქნილი ბიზნეს და ტურისტული მოგზაურებისთვის.
flydubai -ს აღმასრულებელმა დირექტორმა გაიტ ალ გაიტმა ამ მოვლენასთან დაკავშირებით შემდეგი კომენტარი გააკეთა: Ex-Im ბანკთან მიღწეული პირველადი სასესხო შეთანხმება ჩვენი კომპანიის პროგრესის და მიღწევების კიდევ ერთი მტკიცებულებაა. ჩვენი ხანმოკლე არსებობის მანძილზე ჩვენ უკვე მივაღწიეთ ასეთი დიდი მასშტაბის შეთანხმებას. რაც ყველაზე მეტად გვახარებს არის ის, რომ ეს შეთანხმება მხოლოდ დასაწყისია ჩვენი კომპანიის მორიგი წარმატებების.
დუბაიმ მსოფლიო რუქაზე დაიმკვიდრა ადგილი, როგორც პოპულარული ტურისტული ქალაქი, ფინანსური, სავაჭრო და ლოგისტიკური ცენტრი. ქალაქის ამჟამინდელი პრიორიტეტია ინვესტირება ავიაციის სფეროში, რათა დუბაი რეგიონის ავიაგადაზიდვების ცენტრიც გახდეს. ეს სფერი ჩვენს ავიაკომპანიას წარმოუდგენელ შესაძლებლობებს სთავაზობს, რადგან რეგიონში 2,5 მლრდ. მაცხოვრებელია.
Ex-Im ბანკთან დადებული ხელშეკრულება იმდენად მნიშვნელოვანია, რამდენადაც ეს ჩვენი მოგზაურობის საწყისი ეტაპია. მე შემიძლია დაგიდასტუროთ, რომ ჩვენ ერთგულად განვაგრძობთ წინსვლას მისაღები ფასებით და მომხმარებლისთვის მაქსიმალურად დიდი არჩევანის შეთავაზებით.
flydubai დუბაის საერთაშორისო აეროპორტის ჩრდილოეთ ფლიგელში მდებარე მეორე ტერმინალიდან ოპერირებს და მგზავრთა ნაკადის რაოდენობით მსოფლიოში მეოთხე ადგილი უკავია.