ბათუმი უმსხვილესი უკრაინულიბანკებისა და საფინანსო ორგანიზაციების X საიუბილეო კონფერენციას უმასპინძლებს, რომელიც 21-24 ოქტომბერს სასტუმრო "Radisson Blu Hotel, Batumi"-ში გაიმართება. კონფერენციის ტრადიციულმა ორგანიზატორმა,ავტომატიზირებული სისტემების შემუშავების დარგში უკრაინის წამყვანმა კომპანია „CS"-მა ყოველწლიური კონფერენციისთვის, უკვე ზედიზედ მეორედ საქართველო შეარჩია.
კომპანიის მენეჯმენტის განცხადებით,გასულ წელს თბილისში ჩატარებული კონფერენცია დამსწრე საზოგადოებისათვის იმდენად რეზონანსული და დაუვიწყარი აღმოჩნდა, რომ კომპანიამ მიიღო გადაწყვეტილება საიუბილეო კონფერენცია კვლავ საქართველოში, შავიზღვისპირეთში გაემართა. კონფერენციაში ამჯერად 76 ადამიანი მონაწილეობს, მათ შორისაა 30 უკრაინული ბანკის წარმომადგენელი, „CS"-ისთანამშრომლები და პარტნიორი კომპანიები.
კონფერენციის ფარგლებში „CS"-ის ხელმძღვანელებიქართული მედიის წარმომადგენლებთან შეხვედრასაც გამართავენ, რომელიც 21 ოქტომბერს 12:00 საათზე, სასტუმრო "Radisson Blu Hotel, Batumi"-ს„კლაუდბარში"(მე-19 სართულზე) არის დაგეგმილი.
კონფერენციას ქართული საბანკო სექტორის IT სპეციალისტებიც დაესწრებიან, რაც კომპანიის ხელმძღვანელობის აზრით, ორ ქვეყანას შორის საბანკო ავტომატიზაციის სფეროში ურთერთობების გაღრმავებისა და გამოცდილების გაზიარებისთვის აუცილებელი პირობაა.
„გასულ წელს ჩვენ შევძელით საინტერესოდ ჩაგვეტარებინა არა მხოლოდ კონფერენცია, არამედ მისი არაფორმალური ნაწილიც, რომლის ფარგლებშიც აღმოსავლეთ საქართველოს რეგიონების დათვალიერებისა და გაცნობის საშუალება მოგვეცა. ამჯერად კი საყოველთაოდ ცნობილი, ულამაზესი ბათუმის და მისი შემოგარენის გაცნობის საშუალებაც გვექნება. ვიმედოვნებთ, რომ კონფერენცია მისი მონაწილეებისათვის ისეთივე დაუვიწყარი შტაბეჭდილებებით იქნება აღსავსე როგორც გასულ წელს,"-აცხადებს კომპანია "CS"-ის დირექტორი დიმიტრირადჩენკო.
კონფერენციის ფარგლებში „CS"-ის წარმომადგენლებიუკრაინული საბანკო და საფინანსო ორგანიზაციების სპეციალისტებთან ერთად გასული წლის შედეგებს შეაჯამებენ, სამომავლო გეგმებს დასახავენდა უახლეს ტექნოლოგიურ მიღწევებს განიხილავენ.
"კონფერენცია "საბანკო სისტემების ავტომატიზაცია", უკვე დიდი ხანია მოვლენად იქცა უკრაინულ საბანკო ბაზარზე, ვინაიდან სწორედ აქ იკრიბებიან ამ სფეროს წამყვანი სპეციალისტები და სიახლეებს განიხილავენ. ღონისძიების ძირითადი ნაწილი სწორედ ამ სექტორის განვითარების ტენდენციების განხილვას, 2012 წლის მნიშვნელოვან პროექტებს და საბანკო სექტორის განვითარებისთვის აუცილებელი პროგრამების ეფექტურობის ამაღლების საკითხებს დაეთმობა. ამასთან, კონფერენციის ფარგლებში, საბანკო ტექნოლოგიურ სფეროში მიღწეული წარმატებებისათვის პარტნიორი კომპანიების დაჯილდოვებაცაა დაგეგმილი,"-აცხადებს კომპანია "CS"-ის დირექტორი დიმიტრი რადჩენკო.
კომპანია „CS" საინფორმაციო ტექნოლოგიების ბაზარზე უკვე 15 წელია მოღვაწეობს. კომპანიის ძირითად პროდუქციას საბანკო ავტომატიზაციისთვის საჭირო ტექნოლოგიების შემუშავება და დანერგვა წარმოადგენს. დღეისათვის კომპანია„CS" უკრაინის ბაზარზე საბანკო პროგრამირების მიმართულებით ლიდერის პოზიციებს იკავებს და "Oracle Platinum Partner"-ის საპატიო სტატუსით სარგებლობს.
