ეკონომიკის მინისტრობის კანდიდატს გიორგი კვირიკაშვილს მიაჩნია, რომ ქვეყანაში მონოპოლიასთან და ოლიგოპოლიასთან ბრძოლა შესაძლებელი იქნება. როგორც მინისტრობის კანდიდატი განმარტავს, ის კარგად იცნობს ამ მიმართულებით გატარებულ სამუშაობს, საქართველოს მსგავს ქვეყნებში და იქ დადებითი შედეგების მიღწევა უკვე მოხერხდა.
"ძალიან კარგად შევისწავლე აღმოსავლეთ ევროპის მაგალითები და ძალიან კარგი ეფექტები იქნა მიღწეული ამ მიმართულებით და ჩვენ ამ გზას უნდა დავადგეთ და ეს არის სწორი გზა"- განმარტა გიორგი კვირიკაშვილმა.
მისივე თქმით, რამდენიმე წლის უკან შესაძლებლობა იყო, რომ მცირე საწარმოს რაღაც საქონელი გასაყიდად შემოეტანა, მათ შორის საწვავი და მედიკამენტები.
"არსებობს კონკრეტული მაგალითები, თუ როგორ აჩერებდნენ შემოტანილ საქონელს საბაჟოზე და როგორ ხდებოდა "მეგობრული" რჩევები, რომ შემდგომში ამ საქმიანობით აღარ დაკავებულიყვნენ. ეს არის კონკრეტული მაგალითები და ამას არავითარი დასაბუთება არ ჭირდება. თუნდაც ის, რომ ერთდრული ფასების აწევა და დაწევა ხდებოდა, ნუთუ ეს არის დამატკიცებელი იმისა, რომ ოლოგიპოლიური შეთანხმებები ხდებოდა. სამომავლოდ კონკურენცის სსაგენტო შეიტანს სარჩელებს კონკრეტული საქმეებზე და შემდეგ დამოუკიდებელი მოსამართლეები მიიტანენ ამაზე გადაწყვეტილებას", - აღნიშნა კვირიკაშვილმა.
