აშშ-ის პრეზიდენტმა ბარაკ ობამამ რესპუბლიკური პარტიის პრეზიდენტობის კანდიდატს მიტ რომნის დებატების მოერე რაუნდი მოუგო. დებატები ქალაქ ჰემოეტედში ჰოფსტრის უნივერსიტეტში გაიმართა.
ტელეკომპანია სი-ენ-ენის მონაცემებით, მაყურებელთა 46%-მა საკუთარი სიპმათია ობამას მიმართ გამოხატა, ხოლო 39%-მა მხარი რომნის დაუჭირა. თითქმის იგივე სხვაობით გაიმარჯვა ობამამ სხვა ტელეკომპანიის გამოკითხვების მიხედვითაც.
პირველ დებატებში, რომელიც რამდენიმე დღის წინ გაიმართა მიტ რომნიმ გაიმარჯვა.
ექსპერტები აცხადებენ, რომ ობამამ გაითვალისწინა პირველი დებატების შეცდომები და ამჟამად უფრო დამაჯერებლად გამოიყურებოდა.
მოწინააღმდეგეები ინტენსიურად ცდილობდნენ ერთმანთისთვის ხელის შეშლას და ტყუილში გამოჭერას.
დებატების მთავარი თემა საშინაო პოლიტიკა იყო. კითხვებს კანდიდატებს არა ტელეწამყვანები, ან პროფესიონალები არამედ ამომრჩევლები უსავამდნენ.
სპეციალისტები აცხადებენ, რომ დებატებში გამარჯვება სულაც არ ნიშნავს არჩევნებში გამარჯვებას, თუმცა ფაქტია, რომ ის გარკვეულწილად ახდენს გავლენას საზოგადოებრივი აზრის ფორმირებაზე.
სხვადასხვა გამოკითხვების მიხედვით ორივე კანდიდატს არჩევნებში გასამარჯვებლად ჯერ-ჯერობით თანაბარი შანსი აქვს.
დებატების ბოლო ტური 22 ოქტომბერს ბოკა-რატონში (ფლორიდის შტატი) გაიმართება და ის საგრეო პოლიტიკას მიეძღვნება. აშშ-ში საპრეზიდენტო არჩევნები 6 ნომებერს გაიმართება.
