გია ხუხაშვილი საქართველოსა და რუსეთს შორის ეკონომიკური ურთიერთობების აღდგენაში ვერანაირ პრობლემას ვერ ხედავს.
როგორც ხუხაშვილმა დღეს "მაესტროს" პრესკლუბში განაცხადა, ქვეყანაში უამრავი კონფლიქტი არსებობს, მაგრამ მხარეებს შორის ეკონომიკური ურთიერთობები შენარჩუნებულია. ახლო აღმოსავლეთში კრიზისისას ქვეყნები ომის ზღვაზე იმყოფებიან, მაგრამ მათ შორის პროდუქციის მიწოდების კონტრაქტები მაინც მოქმედებს.
"აქედან გამომდინარე, ეს ყველაფერი რეალურია და რაც შეიძლება მალე უნდა აღდგეს. კულტურული ურთიერთობებიც უნდა აღდგეს", - განაცხადა ხუხაშვილმა.
მისი თქმით, ორ ქვეყანას შორის დღეისთვის არსებული ურთიერთობიდან მხოლოდ საქართველო ზარალდება, რადგანაც რუსეთი დიდი ქვეყანაა და მას არაფერი აკლდება.
"კულტურული გაგებით ექსპანსია რუსეთში იმუშავებს ურთიერთობების მოგვარებისკენ", - განმარტა ხუხაშვილმა.
მისი თქმით, ქართული პროდუქტი რუსეთის ბაზარზე ადაპტირებულია, თუმცა ევროპის ბაზარზე მათი ექსპორტი არ ხდება.
