20 და 21 ოქტომბერს თბილისის ალ. გრიბოედოვის სახელობის რუსულ დრამატულ თეატრში წარმოდგენილი იქნება ამერიკელი ქორეოგრაფის თრეი მაკინტაერის ერთმოქმედებიანი ბალეტის "ეს თავდაყირა სამყაროს" პრემიერა. მაყურებელი ასევე იხილავს ტრეი მაკინტაერის კიდევ ერთ ბალეტს "წამი გარდასახვამდე" და ირჟი კილიანის ბალეტს "SECHS TANZE".
ტრადიციულად ახალ სეზონს გახსნის ქართული ბალეტის მეგობართა საზოგადოებაც, რომლის ხელმძღვანელები მიშელ დანი და სარა უილიამსონი ვ. ჭაბუკიანის სახელობის ქორეოგრაფიული სასწავლებლის მოსწავლეებს გადასცემენ სახელობით სტიპენდიებს.
