2013 წლის მთავარი საფინანსო დოკუმენტი მთავრობას უკან დაუბრუნდება. თუმცა ეს მაშინ მოხდება, როდესაც ახალი პარლამენტი შეუდგება მუშაობას და მთავრობის ახალი შემადგენლობა დაკომპლექტდება. პარლამენტის საფინანსო-საბიუჯეტო კომიტეტის თავმჯდომარეობის კანდიდატი დავით ონოფრიშვილი აცხადებს, რომ 2013 წლის ბიუჯეტის პროექტი აუცილებლად გადაიხედება და ის მეტი კონკრეტიკისთვის უკან მთავრობას დაუბრუნდება.
"მთავრობა გადაამუშავებს ამ ბიუჯეტს კოალიცია "ქართული ოცნების" დაპირების შესაბამისად. და სადღაც ნოემბრის ბოლოს ეს ბიუჯეტი პარლამენტში ისევ შემოვა და დავიწყებთ მის განხილვას. მიუხედავად დიდი სამუსაოსო კონსტიტუციის ფარგლებში ჩავეტევით და წლის ბოლომდე 2013 წლის ბიუჯეტს დავამტკიცებთ"- განაცხადა პარლამენტის საფინანსო-საბიუჯეტო კომიტეტის თავმჯდომარეობის კანდიდატმა დავით ონოფრიშვილმა.
შეგახსენებთ, რომ 2013 წლის სახელმწიფო ბიუჯეტის ასიგნებების მთლიანი მოცულობა 8 მლრდ 535 მლნ ლარს შეადგენს. როგორც 2013 წლის ბიუჯეტის პროექტის გაბმარტებით ბარათშია აღნიშნული, ფუნქციონალური კლასიფიკაციის მიხედვით სახელმწიფო ბიუჯეტის ხარჯებისა და არაფინანსური აქტივების ზრდის ჯამი შემდეგნაირად გამოიყურება: საერთო დანიშნულების სახელმწიფო მომსახურება 2,017.8 მლნ ლარი; თავდაცვა 670.3 მლნ ლარი; საზოგადოებრივი წესრიგი და უსაფრთხოება 874.7 მლნ ლარი; ეკონომიკური საქმიანობა 926.2 მლნ ლარი; გარემოს დაცვა 26.5 მლნ ლარი; საბინაო-კომუნალური მეურნეობა 70.9 მლნ ლარი; ჯანმრთელობის დაცვა 167.6 მლნ ლარი; დასვენება, კულტურა და რელიგია 138.2 მლნ ლარი; განათლება 649.2 მლნ ლარი; სოციალური დაცვა 2,287.8 მლნ ლარი.
