ქობულეთს ქარბორბალამ გადაუარა. გავრცელებული ინფორმაციით, ქობულეთს ქარბორბალამ გადაუარა და ქალაქს მნიშვნელოვანი ზარალი მიაყენა. ყველაზე მეტად რუსთაველისა და აღმაშენებელის ქუჩები დაზარალდა. მოგლეჯილია ხეები, გადახდილია სახლის სახურავები. ქობულეთის გამგებლის თენგიზ ზოიძის განმარტებით, გამთენისას, 4 საათზე ქობულეთს ქარბორბალა დაატყდა. დაზიანებულია ასევე რუსთაველის გამზირზე მდებარე კორპუსები. მიმდინარეობს ქუცების მოგლეჯილი ხეებისგან გაწმენდა. ზოიძის განმარტებით, სტიქია ნახევარი საათის განმავლობაში მძვინვარებდა, სახურავის ნარჩენების გადმოყრისას დააზიანა ასევე კორპუსებთან მდგომი ავტომობილები. თენგიზ ზოიძის განმარტებით ამ დროისათვის ზარალის დამთვლელი კომისია აქტიურად მუშაობს და ქალაქში აღდგენითი სამუშაოები მიმდინარეობს. გამგებლის თქმით, აღდგენითი სამუშაოები მიმდინარეობს გაზზე და ელექტროენერგიაზე.
