საქართველოს სტატისტიკის ეროვნულმა სამსახურმა საწარმოთა 2012 წლის III კვარტალის გამოკვლევა დაიწყო.
გამოკვლევას ექვემდებარება ქვეყანაში მოქმედი ყველა მსხვილი საწარმო, ხოლო საშუალო და მცირე საწარმოების გამოკვლევა ხორციელდება შერჩევით (სულ დაახლოებით 9000 საწარმო).
გამოკვლევის შედეგად საქსტატი არაუგვიანეს 2012 წლის 4 დეკემბრისა გამოაქვეყნებს ბიზნესსექტორის 2012 წლის III კვარტალის საქმიანობის ამსახველ ეკონომიკურ მაჩვენებლებს სხვადასხვა ჭრილში.
ესენია: ბრუნვა, პროდუქციის გამოშვება (ფულად და ნატურალურ გამოსახულებებში), დასაქმებულთა და დაქირავებულთა რაოდენობა, საშუალოთვიური ხელფასი, ინვესტიციები ფიქსირებულ აქტივებში, შემოსავლებისა და ხარჯების კლასიფიკაცია და სხვა. საწარმოთა 2012 წლის III კვარტალის გამოკვლევა მთელი თვის განმავლობაში გაგრძელდება.
