გადასახადების საპროგნოზო მაჩვენებლები ცალკეული გადასახადების სახეების მიხედვით შემდეგია:

საშემოსავლო გადასახადის საპროგნოზო მაჩვენებელი განისაზღვრა 1 583.0 მლნ ლარით, რაც მშპ-ის 5.4 პროცენტია და 2012 წლის საპროგნოზო მაჩვენებელთან შედარებით 0.9 პროცენტით მცირდება;

ასევე მოგების გადასახადის საპროგნოზო მაჩვენებელი განისაზღვრა 994.0 მლნ ლარით, რაც მშპ-ის 3.4 პროცენტია და 2012 წლის საპროგნოზო მაჩვენებელთან შედარებით 10,4 პროცენტით იზრდება;

დამატებული ღირებულების გადასახადის საპროგნოზო მაჩვენებელი განისაზღვრა 3 323,0 მლნ ლარით, რაც მშპ-ის 11.3 პროცენტს შეადგენს და 2012 წლის საპროგნოზო მაჩვენებელთან შედარებით 10,3 პროცენტით იზრდება;

აქციზის საპროგნოზო მაჩვენებელი განისაზღვრა 670.0 მლნ ლარის ოდენობით, რაც მშპ-ის 2.3 პროცენტს შეადგენს და 2012 წლის საპროგნოზო მაჩვენებელთან 4,0 პროცენტით იზრდება;

იმპორტის გადასახადის საპროგნოზო მაჩვენებელი განისაზღვრა 125.0 მლნ ლარით, რაც მშპ-ის 0.4 პროცენტს შეადგენს და 2012 წლის საპროგნოზო მაჩვენებელთან შედარებით 25,0 პროცენტით იზრდება.

სხვა გადასახადის საპროგნოზო მაჩვენებელი განისაზღვრა 35.0 მლნ ლარით.
2013 წლისთვის გრანტების საპროგნოზო მაჩვენებელი განისაზღვრა 154.0 მლნ ლარით, მათ შორის საბიუჯეტო გრანტები 52.0 მლნ ლარი, ხოლო საინვესტიციო (ხარჯზე მიბმული) გრანტები 102.0 მლნ ლარი.

2013 წლისთვის სახელმწიფო ბიუჯეტის სხვა შემოსავლების საპროგნოზო მაჩვენებელი განისაზღვრა 350.0 მლნ ლარის ოდენობით.

2013 წლის სახელმწიფო ბიუჯეტის პროექტით „სხვა ხარჯების" მუხლით გამოყოფილი ასიგნებები სხვადასხვა ღონისძიებების მიხედვით შემდეგნაირად ნაწილდება: ზოგადი განათლება 32.8%, რეგიონული და მუნიციპალური ინფრასტრუქტურის რეაბილიტაცია 15.4%, სარეზერვო ფონდები 9.1%, სოფლის მეურნეობის განვითარების პროგრამა 8.5%,
უმაღლესი საგანმანათლებლო და სამეცნიერო კვლევების პროგრამა 7.0%,
დევნილთა მხარდაჭერა 6.3%, წყალმომარაგების ინფრასტრუქტურის აღდგენა-რეაბილიტაცია 5.5%, ენერგეტიკული ინფრასტრუქტურის მშენებლობა-რეაბილიტაცია 3.4%, არჩევნების ჩატარების ღონისძიებები, პოლიტიკური პარტიებისა და არასამთავრობო სექტორის დაფინანსება 3.2%,

საგანმანათლებლო დაწესებულებათა ინფრასტრუქტურის განვითარება 1.1%,
კულტურული მემკვიდრეობის დაცვის პროგრამა 0.3%, მოსწავლეების სახელმძღვანელოებით უზრუნველყოფა 0.3% და სხვადასხვა ღონისძიებები 7.1%.