გურჯაანის რაიონის სოფელ ახაშენში "ქართული ოცნების" ადამიანის უფლებათა დაცვის კომიტეტის წევრები - ადვოკატები ინგა ბერიკაშვილი და შოთა ჯოხაძე სცემეს.
როგორც ჟურნალისტებს ინგა ბერიკაშვილმა გურჯაანის საავადმყოფოში განუცხადა, მათ შვიდი მანქანაში მყოფი სამოქალაქო ფორმაში ჩაცმული პირები თავს დაესხნენ.
ბერიკაშვილმა აღნიშნა, რომ ინცინდენტი მაშინ მოხდა, როდესაც ისინი საარჩევნო ბეიჯების დასარიგებლად მიდიდნენ.
ბერიკაშვილის განცხადებით, თადამსხმელები, სავარაუდოდ, "ნაციონალური მოძრაობის" აქტივისტები და ადგილობრივი სამართალდამცავი უწყების თანამშრომლები არიან.
"ჩვენ ამ რაიონში ჩამოვედით ბავშვის მკვლელობასთან დაკავშირებით, თუმცა მანამდე გვინდოდა მოგვესწრო ბეიჯების დარიგება და ახაშენში ამ დროს დაგვადგნენ პოლიციელები შვიდი მანქანით, გვცემეს სასტიკად", - განაცხადა ინგა ბერიკაშვილმა.
მისი თქმით, შოთა ჯოხაძე არის სასტიკად ნაცემი და იგი ამ ფაქტს მკვლელობის მცდელობად აფასებს.
ბერიკაშვილის განცხადებით, ფაქტის დროს მათ დარეკეს 112-ზე, თუმცა პოლიცია ადგილზე დროულად არ გამოცხადა.
ბერიკაშვილის თმით, მას და შოთა ჯოხაძეს წაართვეს მობილურებიც, რაც კვალიფიცირდება როგორც ყაჩაღობაა.
