"დღეს არის სოხუმის დროებითი ოკუპაციის დღე და მე დღეს, როგორც არასდროს, გეუბნებით - სოხუმის დროებითი ოკუპაციის დღეს - თუ საქართველომ 1-ელ ოქტომბერს გადააბიჯა, ეს იქნება რუბიკონი - აფხაზეთი აუცილებლად დაბრუნდება", _ განაცხადა საქართველოს პრეზიდენტმა მიხეილ სააკაშვილმა ქუთაისში მოსახლეობასთან შეხვერდრაზე.
"დღეს არის სოხუმის დროებითი ოკუპაციის დღე. ეს იყო უდიდესი მარცხი ჩვენი ერის, მარცხი იმიტომ, რომ ჩვენ ვიყავით დაქსაქსულები, დამპყრობლის აგენტები ხელს აფათურებდნენ ხელისუფლებაში, ჩვენი თავდაცვის მინისტრი დამპყრობელ ქვეყანაში გაიქცა და მათგან ფული აიღო. დღეს, როგორც არასდროს, გეუბნებით - დღეს, სოხუმის დროებითი ოკუპაციის დღეს - თუ საქართველომ 1-ელ ოქტომბერს გადააბიჯა, ეს იქნება რუბიკონი - აფხაზეთი აუცილებლად დაბრუნდება და საქართველო აუცილებლად შეინარჩუნებს ერთიანობას",_ განაცხადა სააკაშვილმა.
მისი თქმით, ჩვენ ვეღარასდროს დაგვსაქსავენ, ვეღარასდროს დაგვანაწევრებენ, ვერ წაგვკიდებენ ერთმანეთს და ვერ წამოგვაგებენ პროვოკაციებზე.
"საქართველო ყველას გვიყვარს, ყველას გვიყვარს ჩვენი მომავალი, გვიყვარს ჩვენი ერთობა, არავის დავუთმობთ ჩვენს მომავალს, ჩვენს სიყვარულს და ჩვენს ერთობას",_ განაცხადა სააკაშვილმა.
