საქართველოს პრემიერ-მინისტრი ივანე მერაბიშვილი ქუთაისის მთავრობის სახლში უნგრელ კოლეგას, ვიქტორ ურბანს შეხვდა. უნგრეთის პრემიერ-მინისტრი დაინტერესდა საქართველოს ეკონომიკის განვითარების ტემპებით, მისი ძირითადი მიმართულებებით და კერძოდ საბანკო-საფინანსო სექტორით.
პრემიერ-მინისტრებმა განიხილეს ორ ქვეყანას შორის ეკონომიკური თანამშრომლობის, ვაჭრობისა და ტურიზმის განვითარება. უნგრულმა მხარემ დაინტერესება გამოთქვა საქართველოს სოფლის მეურნეობაში ინვესტიციების ჩადებით. ორი ქვეყნის პრემიერ-მინისტრების თანდასწრებით საქართველოსა და უნგრეთის სოფლის მეურნეობის სამინისტროებმა თანამშრომლობის მემორანდუმს მოაწერეს ხელი.
საქართველოს და უნგრეთის პრემიერ-მინისტრებმა ქუთაისში რესტავრირებული ბაგრატის ტაძარი ქუთათელ-გაენათელ მიტროპოლიტ კალისტრატესთან ერთად დაათვალიერეს.
