"თქვენ ხომ არ გგონიათ, რომ მეტი საშინელება არ აქვთ ამათ ჩადენილი?! ჩვენ რაც ვნახეთ უმცირესი ნაწილია მათი ურიცხვი უმძიმესი დანაშაულებებისა", _ განაცხადა კოალიცია "ქართული ოცნების" ლიდერმა ბიძინა ივანიშვილმა ზუგდიდში სიტყვით გამოსვლისას.
" ისინი წლების მანძილზე აშენებდნენ ამ სისტემას. დაგითვლიათ რამდენი პატიმარია ციხეში გარდაცვლილი? - ეს შეწყდება - ჩვენ მოვალთ და აღვადგენთ სამართლიანობას - გპირდებით.
ქურდული სამყარო კი დამარცხდა, მაგრამ ის კლანურ-დამნაშავეობრივმა ხელისუფლებამ ჩაანაცვლა - განსაკუთრებით ზუგდიდში. ადამიანებო ნუ მოემსახურებით "ნაციონალურ მოძრაობასა" და ახალაიების კლანს - თქვენ არაფრით არ ხართ მათგან დავალებული", _ განაცხადა ბიძინა ივანიშვილმა.
