უბრალოდ შეუძლებელია ამის შემდეგ მინისტრმა გააგრძელოს თავისი საქმიანობა და არა მხოლოდ მინისტრმა, - განაცხადა პატიმრების წამების შესახებ გავრცელებულ ვიდეომასალასთან დაკავშირებით საქართველოს ახალგაზრდა იურისტთა ასოციაციის თავმჯდომარემ, თამარ ჩუგოშვილმა.
მისივე თქმით, ეს არის შემთხვევა, როდესაც სისხლის სამართლის პასუხისმგებლობა არ არის საკმარისი და უნდა დადგეს საკმაოდ მაღალი თანამდებობის პირების პოლიტიკური პასუხისმგებლობის საკითხი.
"ის, რაც დღეს ვიხილეთ არის სრულიად შემზარავი ფაქტები წამებისა და არაადამიანური მოპყრობის სასჯელღასრულების დაწესებულებაში. ერთი მხრივ ეს არის ძალიან მძიმე სისხლის სამართლის დანაშაული და, ამისთვის ძალიან მკაცრად უნდა აგონ პასუხი, როგორც კადრებიდან ვნახე, ძალიან ბევრმა პირმა. მხოლოდ კადრებში ვინც ჩანს ეს არ არის მხოლოდ საკმარისი, იმიტომ, რომ სისტემში არსებობს ძალან ბევრი პირი, რომელსაც პირდაპირი პასუხიმგებობა ეკისრება, რაც ხდება. მაგრამ ეს არის შემთხვევა, როდესაც სისიხლის სამართლის პასუხისმგებლობა არ არის საკმარისი და უნდა დადგეს საკმაოდ მაღალი ტანამდებობის პირების პოლიტიკური პასუხუგმებლობის საკითხი", - განაცხადა ჩუგოშვილმა და აღნიშნა, რომ არსებობს ქვეყანაში იუსტიციის სამინისტრო და პროკურატურა რომელთაც ევალებათ ასეთი ფატქების გამოძიება და მათზე რეაგირება.
"მე ვფიქრობ, რომ ეს არის ის შემთხვევა, როდესაც პირველ რიგში, პასუხი უნდ აგოს სასჯელაღსრულების მინისტრმა და შემდეგ უნდა ვიფიქროთ იუსტიციის სამინისტროდან, ვინ არის ის პასუხიმგებელი პირი პროკურატურიდან, ალბათ მთავარი პროკურორი, ვისაც ასევე ეკისრება ძალიან სერიოზული პასუხიმგებლობა ყველა ასეთი შემთხვევისთვის", - განაცხადა ჩუგოშვილმა.
