,,მნიშვნელოვანია, ამომრჩეველმა უშუალოდ დავით ბაქრაძისგან მოისმინოს ,,ნაციონალური მოძრაობის" წინასაარჩევნო პროგრამა", _განაცხადა ჟურნალისტებთან ,,ნაციონალური მოძრაობის" პრესსპიკერმა ჩიორა თაქთაქიშვილმა საზოგადოებრივი მაუწყებლის ეთერში დაგეგმილი დებატების კომენტირებისას.
,,მნიშვნელოვანია, რომ ჩვენმა ამომრჩეველმა უშუალოდ სიის პირველი ნომრისაგან მოისმინოს და ბატონი დავით ბაქრაძისგან გაიგოს ინფორმაცია, თუ როგორ აპირებს ერთიანი ,,ნაციონალური მოძრაობა" დასაქმების, ჯანდაცვის ხელმისაწვდომობისა და სოფლის გაძლიერების პროგრამის განხორციელებას", _ განაცხადა ჩიორა თაქთაქიშვილმა.
შეგახსენებთ, რომ საზოგადოებრივი მაუწყებლის ეთერში წინასაარჩევნო დებატები გაიმართება. დებატებში მონაწილეობას პარტიების სიის პირველი ნომრები მიიღებენ: ,,ნაციონალური მოძრაობა" დავით ბაქარაძე, ,,ქართული ოცნება" კახა კალაძე, ,,ქდმ" გიორგი თარგამაძე, ,,ლეიბორისტული პარტია" შალვა ნათელაშვილი.
