ჩინეთში ლიფტის ჩამოვარდნის შედეგად 19 კაცი დაიღუპა. ინფორმაციას ამის შესახებ "ბი-ბი-სი" ავრცელებს. მათი ინფორმაციით, ლიფტი 30-ე სართულიდან ჩამოწყდა და იქ მყოფი 19-ვე მგზავრი დაიღუპა.
დაღუპილთა უმრავლესობა მუშა იყო. სააგენტო "სინხუას" ინფორმაციით, ჩინეთში მშენებლობებზე ათასობით ადამიანი იღუპება. ხშირად ეს სამშენებლო კომპანიების მიერ უსაფრთხოების ნორმების უგულებელყოფითაა განპირობებული.
