საქართველოს პრემიერ-მინისტრი ვანო მერაბიშვილი და დასაქმების საკითხებში სახელმწიფო მინისტრი პაატა ტრაპაიძე, თბილისში მდებარე პროფესიულ კოლეჯს „იკაროს"-ს ესტუმრა.
სასწავლებელში პრემიერ-მინისტრი სწავლის პროცესის მიმდინარეობას და კოლეჯის გაფართოების გეგმებს გაეცნო. კოლეჯის წარმომადგენლების განცხადებით, გახსნის დღიდან დღემდე სასწავლებელმა 3000-მდე სტუდენტი მოამზადა და მათგან 76% დასაქმებულია.სტუდენტებთან საუბრისას, ვანო მერაბიშვილმა აღნიშნა, რომ საქართველოში ტურისტების რაოდენობის ზრდასთან ერთად გაიზრდება სასტუმროებისა და რესტორნების რაოდენობაც და შესაბამისად მოთხოვნა იმ პროფესიებზე, რომლების დაუფლებაც კოლეჯ „იკაროს"-ში არის შესაძლებელ
შეგახსენებთ, რომ პროფესიული სწავლების ცენტრი „იკაროსი" 2007 წელს გაიხსნა და იგი ორიენტირებულია სერვისის სფეროში დაბალი და საშუალო რგოლის მომსახურე პერსონალის მომზადებაზე. სასწავლებელში ფუნქციონირებს სამი ძირითადი პროგრამა: კულინარული ხელოვნების, სარესტორნო საქმის, კვებისა და სასმელების სერვისი და სასტუმრო საქმე.
