ამომრჩეველთა სიების დაზუსტების უზრუნველყოფის კომისიის თავმჯდომარე მამუკა კაციტაძე ევროსაბჭოს საპარლამენტო ასამბლეის წინასაარჩევნო დელეგაციის წარმომადგენლებს შეხვდა.
დელეგაციის შემდგენლობაში შედიოდნენ ლუკა ვოლონტე, დელეგაციის ხელმძღვანელი (იტალია), ემ მატეუ პი, დელეგაციის წევრი (ანდორა), კრისტოფერ ჩოპე, დელეგაციის წევრი (გაერთიანებული სამეფო), ბორის სილევიჩი, საქართველოზე მომხსენებელი (ლატვია), მაიკლ ასტრუპ იენსენი, საქართველოზე მომხსენებელი (დანია), ბოგდან ტორკატორიუ, საპარლამენტთაშორისო თანამშრომლობის და სადამკვირვებლო ადმინისტრატორი (რუმინეთი), ბას კლეინი, მონიტორინგის კომიტეტის ადმინისტრატორი (ნიდერლანდები), ენ გოდფრეი, თანაშემწე (გაერთიანებული სამეფო).
დელეგაცია საქართველოში გრძელვადიან სადამკვირებლო მისიას ახორციელებს.
კაციტაძემ დაწვრილებით ისაუბრა კომისიის მუშაობის ეტაპებზე, პროექტ "კარდაკარის" შედეგებსა და დღემდე სიების დაზუსტების კუთხით მიმდინარე პროცესებზე. კაციტაძემ სტუმრებს განუმარტა, რომ კომისია 1-ელ ოქტომბერს, არჩევნების დღეს, განახორციელებს სიებზე მონიტორინგს.
