23-29 სექტემბერს საქართველოს მანქანათმშენებლობისა და საკვების გადამუშავების ტექნოლოგიის სექტორში მომუშავე გერმანული ბიზნესდელეგაცია ეწვევა. გერმანელი ბიზნესმენები, თბილისის გარდა, მოინახულებენ ბათუმსა და ფოთს და ქვეყნის ეკონომიკურ შესაძლებლობებს ადგილზე გაეცნობიან.
გერმანელი ბზინესმენების ვიზიტი საქართველოში გერმანიის ეკონომიკის სამინისტროს, აღმოსავლეთ ევროპის ეკონომიკური ურთიერთობებისა და საქართველოში გერმანიის ეკონომიკური გაერთიანების ერთობლივი თანამშრომლობით იმართება. ღონისძიების ფარგლებში, იგეგმება ტექნიკური და საბაზრო ინფორმაციის მოძიება და საქართველოს ბიზნესსა და პოლიტიკურ პარტნიორებთან ინდივიდუალური შეხვედრები.
ღონისძიება, პირველ ყოვლისა, მიზანმიმართულია გერმანიის მცირე და საშუალო ბიზნესისაკენ, კერძოდ მანქანათმშენებლობისა და საკვები პროდუქციის გადამუშავების ტექნოლოგიის კუთხით. ექსპერტები ვარაუდობენ დიდ მოთხოვნას ამ სექტორში, განსაკუთრებით ქართულ საიმპორტო ბაზარზე. თბილისის გარდა, დაგეგმილია ქალაქ ფოთისა და ბათუმის მონახულება.
