,,სამართლიანი არჩევნების ჩასატარებლად ბევრი ნაბიჯი გადავდგით. მოვიწვიეთ ბევრი დამკვირვებელი", _ განაცხადა უმრავლესობის წარმომადგენელმა აკაკი მინაშვილმა აშშ-ის უწყებათაშორისი დელეგაციის ვიზიტის კომენტირებისას და აღნიშნა, რომ ხელისუფლება ყველაფერს გააკეთებს სამართლიანი არჩევნების ჩასატარებლად.
,,საუბარი გვექნება ქვეყანაში მიმდინარე ყველა პროცესზე, იმ რეფორმებზე, რომელიც ქვეყანაში გატარდა იმისთვის, რომ არჩევნები თავისუფალი და სამართლიანი იყოს. ჩვენ ამისთვის ძალიან ბევრი ნაბიჯი გადავდგით, მოვიწვიეთ ბევრი დამკვირვებელი და ვაფასებთ სახელმწიფო დეპარტამენტის წარმომადგენლების ვიზიტსაც", _ განაცხადა აკაკი მინაშვილმა.
შეგახსენებთ, რომ აშშ-ის უწყებათაშორისი დელეგაცია ტომას მელიას ხელმძღვანელობით უმრავლესობის წევრებს ხვდებიან.