„თქვენ გამორჩეული ხალხი ხართ, ჭკვიანი, ნიჭიერი, მშრომელი და პატრიოტი. თქვენ იცით, როგორ გულთან ახლოს მიმაქვს თქვენი გაჭირვება და ისიც ვიცი, რომ ამ მომღიმარი სახეების უკან დიდი პრობლემებია, მაგრამ თქვენ ამ პრობლემებს არ იმსახურებთ. ამიტომ ჩვენს გუნდთან ერთად დღე და ღამე ვმუშაობთ. ჩვენი სისტემა იდეალური ჯერ არ არის და უკეთესი ყოველთვის შეიძლება იყოს. დარწმუნებული ვარ, რომ ხედავთ, როგორი დიდი ნაბიჯებია გადადგმული, როგორი მონდომებული ხალხია გუნდში, რომელსაც ერთიანი ხედვა აქვთ მომავლისკენ და არა წარსულისკენ. წარსულში ჩვენ ვიცით, რა იყო. 15 წლის წინ ჩემი მშობლები შიშით მიშვებდნენ საქართველოში, რადგან აქ კრიმინალი, კორუფცია და არეულობა იყო, ახლა კი ამ ქვეყნით ამაყები არიან. ისინი სხვა ქვეყანაში არ ჩადიან, სულ აქ მოდიან. ეს პატარა ქვეყანა ბევრ რამეში ძალიან დიდია", - აღნიშნა რულოვსმა და შემდეგ ღონისძიებაზე შეკრებილ მოსახლეობას მეგრულ ენაზე მიმართა.