ნატოს გენერალური მდივნის განცხადებით, საქართველო შემოდგომაზე ნატოს არაწევრი ქვეყნის ყველაზე მსხვილი კონტრიბუტორი გახდება, _ აღნიშნულის შესახებ ნატოს გენერალურმა მდივანმა საქართველოს პრეზიდენტთან შეხვედრის დასრულების შემდეგ განაცხადა.
,,ერთ წელზე ნაკლები გავიდა მას შემდეგ, რაც თქვენ უმასპინძლეთ ჩრდილო ატლანტიკურ საბჭოს სხდომას და ჩვენ, ვლაპარაკობთ სიხშირეზე, რა სიხშირითაც ვითარდება ჩვენი მაღალი დონის კონტაქტები. ეს პირდაპირ მიანიშნებს იმაზე, რომ ჩვენ ურთიერთობა მჭიდროა და დიდი მადლობა მინდა გადაგიხადოთ კონსტრუქციული შეხვედრისთვის, რომელიც დღეს გვქონდა. საქართველო არის ნატოს განსაკუთრებული პარტნიორი და ეს არის ერთგულების მოდელი მიზნებისთვის. თქვენ სერიოზულ კოტრიბუციას ახორციელებთ ავღანეთში ჩვენს მისიაში და თქვენ გახდებით ამ შემოდგომაზე ყველაზე მსხვილი არა ნატოს წევრი კონტრიბუტორი და ეს ძალიან დიდი მიღწევაა", _ განაცხადა რასმუსენმა და საქართველოს სამხედრო ძალებს ავრანეთის ოპერაციაში მონაწილეობისთვის მადლობა გადაუხადა.
M,,მადლობა გვინდა გადაგიხადოთ იმ სიმამაცისთვის, ერთგულებისა და პროფესინალიზმისთვის, რომელსაც თქვენი ძალები ყოველდღიურად წარმოაჩენენ. ISAF მისია 2014 წლის ბოლოსკენ დასრულდება, მაგრამ ჩვენ ავღანეთის უსაფრთხოების ძალებისთვის დახმარებას გავაგრძელებთ. ჩვენ მუშაობა დავიწყეთ იმისთვის, რომ ნატოს საშუალებით შეიქმნას და ჩამოყალიბდეს ეს მისია და კარგია, როცა თქვენ ჩართული ხართ ამ პროცესებში", - განაცხადა რასმუსენმა.