რუსეთის მთავარი სანიტარი გენადი ონიშჩენკო კვლავ მზადყოფნას გამოთქვამს რუსულ ბაზარზე ქართული მინერალური წყლისა და ღვინის დასაბრუნებლად. მისი თქმით, შესაბამისი დოკუმენტები მრავალ ქართულ კომოპანიას მოსკოვში წარდგენილი აქვს.
თუმცა ონიშენკო აცხადებს, რომ აღნიშნული პროცესით საქართველოს ხელისუფლება და არაა დაინტერესებული.
ინტერფაქსის კითხვაზე, რა დრო დასჭირდება ქართული ღვინისა და მინერალური წყლის რუსეთის ბაზარზე დაბრუნებას, ონიშჩენკო აცხადებს: "ჩავფრინდით ვნახეთ, ერთი-ორი დღე ვიმუშავეთ, დავბრუნდით, ვთქვით: დიახ, ეს საწარმოები ნატურალურად შესაბამება დადგენილ მოთხოვნებს. და მორჩა. შემდგომ როდესაც ისინი შემოიტანენ ღვინოს, გაკეთდება ლაბორატორიული კონტროლი".
"იმის ნაცვლად, რომ გვითხრან: ჩამოდით და ნახეთ, ჩვენ არ შევქმით არავითარ წინააღმდეგობას, მათგან ისმის რაღაც გაუგებარი გამონათქვამები, რომელიც პრეტენზიებით არის აღსავსე", - განაცხადა ონიშჩენკომ.
მისი თქმით, ხელოვნური ბარიერები ქართული ღვინისა და მინერალური წყლის დასაბრუნებლად რუსეთის ბაზარზე არ არსებობს.
"ტექნიკური არსებობს - ჩვენ უნდა ჩავიდეთ და ვნახოთ. ეს ეხება "ბორჯომსაც" და "ღვინოსაც", - განაცხადა ონიშჩენკომ და დასძინა , - "ბაზარი გაიხსნება, მაშინ როცა ჩატარდება საწარმოთა ინსპექტირება, მაგრამ ამაში საქართველოს მმართვეელი ელიტა დაინტერესებული არ არის".
შეგახსენებთ, რომ რამდდენიმე დღის წინ აღნიშნულ საკითხტან დაკავშირებით ონიშჩენკომ აღნიშნა, რომ ქართული ღვინის, კონიაკისა და მინერალური წყლის რუსეთის ბაზარზე დაუბრუნებლობაში საქართველოს ხელისუფლებაა დამნაშავე.
"მე ჯერ კიდევ ერთი წლის წინ ვთქვი: იმისათვის რომ რუსეთის ბაზარზე შემოვუშვათ "ბორჯომი", რომელთანაც დაკავშირებით ასევე იყო პრობლემები, ან ქართული ღვინოები, მინიმუმ "სარაჯიშვილი" - ეს კონიაკია, ჩვენ მხოლოდ გვინდა ვნახოთ ამ საწარმოების ტერიტორიები. მათ დოკუმენტები წარმოდგენილი აქვთ", - განაცხადა ონიშჩენკომ " ეხო მოსკვისთან" საუბარში.
მან ასევე აღნიშნა, რომ თავის დროზე ქართული და მოლდოვური ღვინოების აკრძალვა იყო სწორი გადაწყვეტილება, რადგან რუსეთის ბაზარი წალეკილი ჰქონდა ფალსიფიცირებულ პროდუქციას.
"მე ჯერ კიდევ მაშინ ვთქვი: ოდესმე მოლდოველი და ქართველი მეღვინეები საკუთარ სამშობლოში ძეგლებს დამიდგამენ. ეს იყო არა თუ ქირურგიული ოპერაცია, ეს იყო ამპუტაცია, როდესაც აუცილებელი იყო ჩვენი ბაზრიდან მოგვეკვეთა 2/3 იმ სასმელის, რომელიც ჩვენი ბიზნესის წყალობით აქ ტრიალებდა. ყველფერი იყო ფალსიფიცირებული და ნაგავი", - განაცხადა ონიშჩენკომ.
ონიშჩენკო ცხადებს, რომ ქართული ღვინის ხარისხიის გაუმჯობესებბისა და მეღვინეობის გადარჩენისთვის კახეთის კულტურის დამსახურებული მოღვაწის ტიტულს იმსახურებს.
"დარწმუნებით შემიძლია ვთქვა, რომ სულ მცირე კახეთის კულტურის დამსახურებული მოღვაწე მაინც უნდა ვიყო. მე შევინარჩუნე მეღვინეობის უძველესი კულტურა, რომელიც საქართველოს ამ რეგიონისთვისაა დამახასიათებელი", - აღნიშნა რუსეთის მთავარმა სანიტარმა.
შეგახსენებთ, რომ რუსეთში ქართული ღვინოს შეტანა 2006 წლიდან აიკრძალა.
