აუცილებელია ირანის წინააღმდეგ დაწესებული სანქციების გამკაცრება. ამის შესახებ ისრაელის პრემიერ-მინისტრმა ბენიამინ ნეთანიაღუმ იტალიის საგარეო საქემთა მინისტრთან, ჯულიო ტრეცისთან, შეხვედრისას განაცხადა.
"ჩვენს წინაშე რთული ამოცანები დგას. შესაძლოა, რომ ყველაზე რთულ ამოცანა, რომელიც ასევე დგას საერთაშორისო თანამეგობრობის წინაშე არის ირანის მისწრაფებების გაჩერება ბირთვული იარაღის შექმნის საკითხში. საერთაშორისო საზოგადოებამ დაჟინებით უნდა მოითხოვოს წითელი ხაზების გავლება ირანისთვის, რომლის გადალახვა შეუძლებელი იქნება ბირთვული იარაღის შექმნის გზაზე", - განაცხადა ნეთანიაღუმ.
მან აღნიშნა, რომ აუცილებელია, უფრო მეტად გამკაცრდეს სანქციები ირანის წინააღმდეგ.
მისივე თქმით, ევროპის ქვეყნებს შეუძლიათ მშვიდობისა და უსაფრთხოების განმტკიცებისათვის კიდევ ერთი ნაბიჯი გადადგან და "ჰესბოლა" ტერორისტულ ორგანიზაციად გამოაცხადონ, რომელიც ფაქტობრივად, იარაღია ირანის ხელში.
"ჰესბოლა" არის ყველაზე დიდი ტერორისტული ორგანიზაცია მსოფლიოში და ევროპამ უნდა აღიაროს ეს ფაქტი", - განაცხადა ნეთანიაღუმ.
შეგახსენებთ, რომ ისრაელში გაძლიერდა ირანთან კონფლიქტის ძალისმიერი სახით გადაწყვეტის მომხრეთა პოზიციები. კონფლიქტის პროვოცირება შეიძლება მოახდინოს შეიარაღებუომა დაპირისპირებამ "ჰესბოლასთან", რომელსაც თეირანი ღიად უჭერს მხარს. მხოლოდ მიმდინარე პერიოდში ჰესბოლას 2 ათასამდე წევრი ირანში გადის სამხედრო წვრთანას.
