„ქრისტიან-დემოკრატიული მოძრაობის" ლიდერმა გიორგი თარგამაძემ ბათუმში საქართველოს პარლამენტის და აჭარის ავტონომიური რესპუბლიკის უმაღლესი საბჭოს არჩევნებისთვის კანდიდატები წარადგინა. გიორგი თარგამაძემ საქართველოს პარლამენტის არჩვენებში ხულოს მაჟორიტარობის კანდიდატად კახა მელაძე დაასახელა. შუახევი - შოთა ჯიბლაძე, ქედა - ელგუჯა ნაკაშიძე, ხელვაჩაური - შუქრი თურმანიძე, ქობულეთი - თამაზ ბაკურიძე, ხოლო ბათუმის მაჟორიტარი დეპუტატობის მანდატისთვის- ირაკლი ნარაკიძე იბრძოლებს.
რაც შეეხება აჭარის ავტონომიური რესპუბლიკის უმაღლესი საბჭოს არჩევნებს, უმაღლეს საბჭოში ხულოს ქდმ-ის კანდიდატად რობერტ ხოზრევანიძე დასახელდა, შუახევის - ნუგზარ ფუტკარაძე, ქედას- ნადეჟდა ჯაბნიძე, ხელვაჩაურის - ზაზა შაშიკაძე, ქობულეთის - ნუგზარ ბაჯელიძე, ბათუმის - ნიაზ ზოსიძე.
აჭარის უმაღლესი საბჭოს არჩევნებისთვის საარჩევნო ბლოკის „გიორგი თარგამაძე - ქრისტიან-დემოკრატიული გაერთიანება" პარტიული სიის პირველი ათეული ასეთია:
ნიაზ ზოსიძე, ნუგზარ ფუტკარაძე, მურმან დავითაძე, ზაზა შაშიკაძე, გიორგი მახარაშვილი, რუსლან ბარამიძე, ნინო მელქაძე, ნადეჟდა ჯაბნიძე, ნუგზარ ბაჯელიძე, რობერტ ხოზრევანიძე.
„ქრისტიან-დემოკრატიული მოძრაობის აჭარის ორგანიზაციას განსაკუთრებული მიღწევები აქვს. ეს გუნდი არის დაკომპლექტებული პატრიოტული, პროფესიონალური და კვალიფიციური კადრებით. სწორედ ამიტომ მჯერა, რომ აჭარელი „ქრისტიან-დემოკრატები" შეძლებენ ჩვენი მოსახლეობის იმედების გამართლებას" - განაცხადა გიორგი თარგამაძემ.
