ქობულეთში, სოფელ საჩინოში ახალი საწარმოს მშენებლობის ვალდებულება კომპანია "GIM"-მა აიღო. "GIM"-მა პირობებიან აუქციონზე 5521 კვ.მ არასასოფლო-სამეურნეო დანიშნულების მიწის ნაკვეთი და მასზე განლაგებულ 1099,3 კვ.მ. შენობა-ნაგებობა 36 ათას ლარად შეიძინა. ობიექტის საწყისი ღირებულება კი 35 ათასი ლარად იყო განსაზღვრული. აუქციონის პირობების თანახმად, ინვესტორი ვალდებულია, ხელშეკრულების გაფორმებიდან არანაკლებ 3 თვის ვადაში დაიწყოს შენობის მშენებლობა/რეაბილიტაცია და არანაკლებ 12 თვის ვადაში აამოქმედოს საწარმო, რისთვისაც განახორციელოს არანაკლებ 200 000 ლარის ინევესტიცია; - მყიდველი ვალდებულია ასევე ხელშეკრულების გაფორმებიდან 13 თვის ვადაში საწარმოში მუდმივად 2 წლის ვადით დაასაქმოს არანაკლებ საქართველოს 10 მოქალაქე.
