დღეს, 25 აგვისტოს, დუშეთის მუნიციპალიტეტის გამგეობის ინიციატვით, ჩარგალში სახალხო დღესასწაული „ვაჟაობა" გაიმართება, სადაც მონაწილეობას მიიღებენ ქართველი მწერლები და პოეტები, ასევე მოეწყობა ხალხური რეწვის ნიმუშების გამოფენა-გაყიდვა.
გარდა ამისა, გაიმართება სპორტული ღონისძიებები, როგორიცაა : დოღი და სხვადასხვა სახეობის სპორტული შეჯიბრებები. სახალხო ზეიმი ჩარგალში 12.00 საათზე, სპორტული ღონისძიებებით დაიწყება, ხოლო 14.00 საათზე დაგეგმილია გალა კონცერტი, რომელიც ადგილობრვი ფოლკლორული ანსამბლების მონაწილეობით შესრულდება.
