ადამიანის ცხოვრებაში არის მომენტები რომელსაც "ვერ მიუტევებ". ამის შესახებ რობერტ სტურუამ
სტუდია "ნიუგრუპის" გადაცემა "ღია სტუდიაში"განაცხადა.
ჩინური სიბრძნის, "ვდგავარ მდინარესთან და ველოდები, როდის ჩამოატარებს ის ჩემი მტრების გვამებს" ანლოგიასთან მიმართებაში სტურუა აცხადებს, რომ მას არავის გვამის ნახვა არ უნდა.
"არიან ადამიანები, რომელთაც მე სიამოვნებით - გვმაები არ მინდა- მაგრამ სასჯელი ეკუთვნის იმ ხალხს. მე მინდა, დიდ ტივზე ჩამოიარონ... ტივს გისოსები ჰქონდეს", - აცხადებს რობერტ სტურუა.
კითხვაზე თუ რატომ ირჩევენ ადამიანები ხშირად დუმილს სტურუა პასუხობს: "როდესაც შენს შვილს მიაბჯენენ დანას კისერში და შენ გეუბნებიან - გაჩუმდი, ანდა მოაწერე რაღაცას ხელი, თორემ შვილსს მოგიკლავთ, ამ უზნეო პოზიციაში, რომ გაყენებს შენ ძალაუფლება, შენი ნებისმიერი საქციელი... მე მესმის რომ შენ იტყვი, რომ კარგი, მე შენს მხარეზე ვარ, იმიტომ რომ შენი შვილის სიცოცხლეა იქ. ეს არის ტერორისტული აქტის მაგვარი რაღაცა, რაც ხდება დღეს. იმიტომ რომ ის დაშინება, ის რაღაც უბედურება რასაც ჩადის ჩვენი მთავრობა, ეს არის მსგავი ტერორისტულ მოქმედებასთან", - აცხადებს სტურუა.
სტურუას თქმით, მას არ შეუძლია გაკიცხოს ასეთი ადამიანი, რომელიც ირჩევს თუნდაც გადასვლას სხვა ბანკში იმიტომ, რომ გადაარჩინოს თავის შვილი.