რობერტ სტურუა ახალი თეატრის სცენაზე მარია კალასის შესახებ აპირებს სპექტაკლის დადგმას. ამის შესახებ რობერტ სტურუამ სტუდია
ნიუგრუპის გადაცემა "ღია სტუდიაში" განაცხადა .
"გადავწყვიტე დამედგა სპექტაკლი მარია კალასზე. არის ორიგინალური პიესა. მინდოდა ეს გვეთამაშა თეატრალური საზოგადოების სცენაზე. მაგრამ მერე აღმოჩნდა, რომ, შესაძლოა, პატარა 200-კაციანი თეტრის შექმნა. შენობა არსებობს და საჭიროა დამიდგან სცენა - პატარა კამერული იქნება", - აცხადებს სტურუა და დასძენს, - " ამჟამად ისეთ მდგომარეობაში ვარ, რომ მეჩვენება, ეს სპექტაკლი არ ზის იმ მთავარ მიმართულებაში, რომელშიც ახლა მთლიანად ქართველები ვართ".
სტურუა აღნიშნავს, რომ შესაძლოა, ეს უკეთესიც, იყოს, რადგან "არის ფასეულობები რომელიც ჩვენ ამ პოლიტიკურ ბრძოლებში დაგვავიწყდა, რომ - არის ხელოვნება".
"არის ხელოვნება, არის გენიოსი ადამიანები. ყველამ იცის რომ ეს ქალი (მარია კალასი. რედ) გენიოსია და მაინც მას ებრძვიან", - აცხადებს სტურუა.
მისვე თქმით, სპექტკლის დადგმის პროცესი ისეთი რამაა, რომ წინაასწარ რაიმეს თქმა შეუძლებელია.
